Младата македонската кошаркарска репрезентација до 16 години со натпреварот против Романија, вечерва го продолжува својот настап на Европскиот шампионат (дивизија Б) кој се одржува во Струмица.
Откако ги загубија шансите за висок пласман избраниците на селекторот Димитриевиќ, сега ќе разигрува за пласман од 9 до 16 место.
Во првиот натпревар дуел од новоформираната група Г, тие за противници ги имаат нивните врсници од Романија која со трите победи во првата фаза од првенството има предност на табелата во однос на нашата репрезентација.
Романија како и Грузија натпреварите во групата Г ќе ги започнат со 2 бода, додека Македонија и Естонија против која утре ќе играат нашите кошаркари, ќе стартуваат без бодови.
Дуелот Македонија – Романија ќе се игра во салата „Никола Карев’’ со почеток од 21 часот.