Јапонската компанија Митсубиши најави нов кросовер концепт со плаг-ин хибриден погон, што ќе биде претставен на претстојниот Саем на автомобили во Женева.
Во соопштението на Митсубиши се наведува дека станува збор за концепт што претставува најава за дизајнот на идните сериски модели на компанијата.
Концептот ќе добие погон на хибриден систем, кој има намалено негативно влијание на околината, а Митсубиши тврди дека возилото истовремено ќе ја задржи динамичноста и агилноста во возењето.
Првичните фотографии објавени од Митсубиши не откриваат многу, но може да се заклучи дека потсетува на доработен концепт ХР-ПХЕВ од 2013 година.
Повеќе детали за концептот ќе бидат достапни по неговата премиера, која е најавена за почетокот на март на Саемот во Женева.