Тренерот на МЗТ Скопје Аеродром, Бобан Митев со јасен став дека победа и ништо друго не е опција за неговите кошаркари во вечерашниот дуел против Металац во рамките од 8.коло на АБА лигата.
– Мора да победиме против Металац. Немаме друга опција оти играме против еден од „послабите“ тимови во лигата. Направив неколку корекции и воведов нов систем на работа. Знам дека е лошо кога играчите во само месец и пол менуваат дури три концепти на тројца различни тренери, но немаме многу време да размислуваме за тоа. Мораме сите заедно да се приспособиме што побргу на условите и да мислиме напред кон победи што ќе нѐ извадат од резултатската криза во Јадранската лига – ни изјави Митев.
И двата тима имаат по две победи и пет порази сезонава, со кои се на делба на претпоследното место на табелата.
Дуелот МЗТ Скопје Аеродром – Металац ќе се игра во СЦ Јане Сандански со почеток од 20.30 часот