На претстојниот авто-салон во Токио компанијата „Митцубиши“ ќе го претстави моделот „Ланцер Еволушн Х Фајнал Концепт“. Автомобилот, што ќе го означи крајот на производството на славниот спортски модел, ќе добие засилен мотор од 480 кс.
Јапонскиот производител на овој начин достојно ќе се прости од моделот „Ланцер Ево“.
Специјалната верзија на „Еволушн Х Фајнл Концепт“ има мат црна надворешност со по некој мал хромиран детал.
Сепак, најважното подобрување се крие под хаубата на автомобилот. Постојниот 2.0-литарски мотор доби нов турбо-полнач и унапреден издувен систем, како и нова електронска управувачка единица.
Благодарение на овие промени моторот произведува 480 кс (353 кW), а силата се пренесува на сите четири тркала со помош на петбрзински мануелен менувач.
„Митцубиши“ вгради и спортско потпирање со прилагодливи амортизери и специјални 19 инчни алу фелни.
„Ланцер Еволушн Х Фајнл Концепт“ премиерата ќе ја има на 9-ти јануари на салонот на автомобили во Токио, кога треба да се знае колку примероци од овој автомобил ќе се симант од производните ленти.