Кинескиот производител на автомобили МГ го претстави новиот кросовер ГТС, што во продажба се очекува идната година на кинескиот пазар.
Станува збор за еволуција на концептот ЦС, претставен на минатогодишниот Саем на автомобили во Шангај. ГТС е придвижуван од 2,0 литарски четирицилиндерски турбо мотор со 217 коњски сили. Силата на моторот се пренесува преку шестстепен менувач со двојна спојка на сите четири тркала.
Новиот МГ ГТС од 0 до 100 километри на час забрзува за осум секунди.
Моделот се очекува да добие и нови ГДИ мотори, а во понуда се наоѓа и трицилиндерски 1,0 литарски и 1,4 и 1,5 литарски бензински мотори.
Компанијата МГ сопшти дека продажбата на кросоверот ГТС ќе поче во првата половина на 2015 година.