Лионел Меси го достигна рекордот на Пеле и стана фудбалер што постигнал најмногу голови за еден клуб во историјата на фудбалот. Денешниот погодок против Валенсија беше 643. за Меси во дресот на Барселона. Но, каталонскиот клуб одигра само 2-2 на „Камп Ноу“.
Дијакаби со удар со глава донесе водство за Валенсија во 29.минута, а израмни Меси исто така со глава, во продолжение на акцијата откако не искористи пенал.
Араухо во 52.минута направи пресврт, но Максимилијано Гомез во 69.минута повторно го израмни резултатот.