Јапонската компанија Мазда на Саемот во Лос Анџелес го претстави првиот мини-компактен кросовер, моделот ЦХ-3.
Мазда ЦХ-3 доаѓа со новиот „Кодо“ дизајн, карактеристичен за сите модели на компанијата по 2011 година.
Новиот модел е поставен на платформата на новата Мазда 2. Двете возила имаат идентично меѓуоскино растојание од 2.570 милиметри, но ЦХ3 е подолг за 215 и повисок за 55 милиметри.
На европскиот пазар Мазда ЦХ3 ќе биде достапна со два дволитарски Скајактив-Г бензиснки и 1,5 литарски Скајактив-Д дизел мотор. Силата се пренесува со шестстепен мануелен или шестстепен автоматски именувач, а освен стандардниот погон на предна оска, достапен е и модел со погон на сите тркала.
Продажбата во Европа почнува кон средината на 2015 година, кога ќе бидат познати повеќе технички карактеристики и цени.