Енди Мареј и Давид Ферер успеаја да се пласираат во полуфиналето на Мастерсот во Париз откако во четвртфиналните мечеви денеска ги совладаа Ришар Гаске односно Џон Изнер. Во полуфиналето утре ќе играат меѓусебе.
И двата меча имаа ист тек. Мареј и Ферер имаа водство од 1:0, а потоа ривалот успеваше да изедначи и решавачкиот сет го добиваа Мареј и Ферер.
Мареј го победи Гаске со 7:6 (7:3), 3:6 и 6:3 на поени, додека Ферер беше подобар од Изнер со 6:3; 6:7 (6:8) и 6:2.
Во вторите два четвртфинални мечеви вечерва ќе играат Новак Ѓоковиќ против Томаш Бердих и Стан Вавринка против Рафаел Надал.
Победниците од овие мечеви ќе играат во второто полуфинале.