Шкотскиот тенисер Енди Мареј експресно обезбеди пласман во третото коло на неофицијалното светско првенство, Вимблдон.
Бранителот на трофејот Мареј за само 1 час и 24 минути го доби мечот против Словенецот Блаж Рола убедливо во три сета, препуштајќи му на противникот само по еден гем во првиот и вториот сет, односно со 6:1, 6:1 и 6:0.
Наредниот противник на миленикот на лондонската публика ќе биде подобриот од мечот меѓу Јан Херних и Роберто Баутиста Ахут.
Во досега завршените натпревари се случи и изненадување за кое се погрижи Украинецот Сергеј Стаховски, кој по три сета го елиминира Ернест Грлбис од Летонија, кој на Вимблдон беше 12-ти носител.