Каратистот Симон Антиќ го освои бронзениот медал на вториот турнир од престижната Премиер Карате Лига што се одржа викендот во холандскиот град Алмере.
Антиќ успехот го направи во категоријата -84 кг. До медалот стигна преку елиминацискиот дел каде ги совлада Павич Александар (Србија ) со 3-0, потоа беше поуспешен од Мамајев Ајкан (Азербејџан) го победи на судиско изјаснување, во третото коло го победи Турскиот преставниг Гундуз Гокхан 3-1, за да во полуфиналето загуби од Францускиот репрезентативец и освојувач на многу медали Грилон Кенџи со минимален резултат 0-1. Бидејќи, Грилон влезе во финалето Македонецот во репасажната борба за бронзениот медал го совлада Соботар Валери од Украина со резултат 1-0.
На ова натпреварување петто место освои Мартин Несторовски. Тој во тешка категорија (+84 кг.) влезе во борба за медал но за жал загуби од Јакнич Велимир – Србија на судиско изјаснување.
Останатите македонски каратисти кои заминаа за Алмере, Берат Јакупи, Ненад Келебич, Тодор Ристевски, Енес Смаилагич, Иво Цветковски, Ико Ташев, Наташа и Моника Стефановска останаа без пласман на овој турнир.
На вториот турнир од 1 Премиер Карате Лига, настапија 613 каратисти од 51 држава.