Репрезентација на Македонија бележи пад од едно место на најновата ФИФА рејтинг листа објавена денеска. „Црвено-жолтите“ се најдоа на 104.место, со 305 бода.
Од репрезентациите во квалификациската група во која игра Македонија, послаборангиран е само Луксембург (141.позиција) со кого избраниците на селекторот Љубинко Друловиоќ ќе се сретнат в сабота.
Противникот на македонската селекција на 8 септември, репрезентацијата на Шпанија е на 11.место, Словачка е 15-та, Украина 29-та, а Белорусија се најде на 97.место.
Води Аргентина пред Белгија и Германија. Покрај овие три репрезентации во ТОП 10 се и : Колумбија, Бразил, Португалија, Романија, Чиле, Велс и на Англија.
Следното рангирање ФИФА ќе го изврши на 1 октомври.