Македонската фудбалска репрезентација годинава ја завршува на 136. место на ранг листата на ФИФА. „Црвено-жолтите“ на декемвриското рангирање се искачија три позиции во однос на ноемвриската листа како резултат на победата над Црна Гора во пријателскиот дуел одигран минатиот месец.
Од противниците на Македонија во квалификациската група за Светското првенство, на денеска објавената листа најдобро рангирана Шпанија (3.место). Италија е на 15-та позиција, Албанија се најде на 38.место, Израел е на делба на 69.позиција заедно со Екваторијална Гвинеја, а најслабо рангиран е Лихтенштајн (164.место).
Втор месец по ред лидер на листата е Белгија, а по неа во ТОП 10 следуваат: Аргентина, Шпанија, Германија, Чиле, Бразил, Португалија, Колумбија, Англија и Австрија.