Ракометарите на Македонија имаа фантастичен почеток на Светското првенство во Катар, откако попладнево го растури составот на Тунис со убедливи 33:25.
Одбраната функционираше одлично, нападот уште подобро, а победата е послатка ако се знае дека во салата имаше околу 2.000 туниски фанови, кои на крајот молчејќи ја следеа прославата на македонската фаланга.
Лазаров постигна 10 гола, Миркуловски и Манасков постигнаа по 6 погодоци, Ристовски имаше 13 одбрани.
Утре нашите ракометари играат против Иран во 17:00 часот.