Кошаркарската репрезентација на Македонија попладнево во Париз на извлекувањето на групите за Европското првенство 2015 ќе ги добие противниците во групата. Нашата селекција се наоѓа во четвртиот „барабан“ и нема да може да игра со Белгија, Италија и Полска, кои се заедно со Македонија.
Првата фаза од Евробаскетот ќе се одржи во четири групи и четири држави ќе бидат домаќини, а ФИБА Европа им дозволи на овие држави да изберат уште една репрезентација во својата група. Затоа и извлекувањето ќе биде полудиригирано.
Франција, која ќе игра во Монпеље, ја одбра Финска. Хрватска ќе биде домаќин во Загреб и ја избра Словенија. Групата на Германија ќе се игра во Берлин, а таму ќе настапува и Турција, додека Естонија во Рига ќе патува кај Летонија. Првата фаза ќе се игра од 5 до 11 септември 2015 година.
Сите други натпревари заклучно со финалето ќе се играат од 12-ти до 20 септември 2015 година во францускиот град Лил.