Македонската фудбалска репрезентација се најде на 80.место на најновата рејтинг листа што денеска ја објави Светската фудбалска асоцијација – ФИФА, што значи подобрување на пласманот за една позиција во однос на декемвриското рангирање.
Од противниците на македонските фудбалери во квалификациската група за Светското првенство, најдобропласирана е Хрватска (10.место), Белгија е на 20.та позиција, Србија се наоѓа на 37.место, Шкотска е на 69.та а најслабопласиран е Велс кој се наоѓа на 81.та позиција.
Нема промени на позициите во првата десетка. Води Шпанија пред Германија и Аргентина, а потоа следуваат Италија, Колумбија, Англија, Португалија, Холандија, Русија и Хрватска.
Следното рангирање ФИФА ќе го изврши на 14 февруари.