Македонската јуниорска репрезентација се пласира на 15.место на кошаркарското Европско првенство Б дивизија во Софија. Младите македоснки кошаркари денеска во натпревар за избегнување на последното (16.место) ја совладаа Австрија со 74:71.
Решавачката предност избраниците на селекторот Мирза Куртовиќ ја направија во последната четвртина која ја добија со 24:13. претходно по 30 минути игра Австријците беа во водство со 58:50.
Најефикасни во македонскиот состав беа Филип Бакоч со 18 поени, Андреј Маслинко реализира 15, Лука Петровски 14. На ова Европско првенство настапија 22 репрезентации.