Екипата на НБА шампионот Мајами успеа да слави на 6. натпревар против Сан Антонио и така избори мајсторка во финалето.
Во финишот на натпреварот на 6 секунди пред крајот Реј Ален со тројка изедначи на 95:95 и го однесе натпреварот во продложение.
А таму подобро се снајдоа домаќините и славеа со 103:100.
Леброн Џејмс имаше трипл дабл, но посебно се истакна во последната четвртина каде постигна 19 поени од вкупните 32, имаше и 10 скокови и 11 асистенции.
Тим Данкан постигна 30 поени и 17 скокови, а 21-годишниот Каваи Ленард имаше 22 поени и 11 скока.
Иако губевме пред почетокот на последната четвртина, сепак играта беше на теренот и успеавме да славиме, рече Леброн Џејмс.
Мајсторката ќе биде за два дена во Мајами.