Хокеарите на Лос Анџелес Кингс ја освоија титулата шампион во НХЛ лигата откако во финалето на Стенли купот го победија Њујорк Ренџерс.
Во натпреварот број 5 ЛА Кингс победи со 3:2 по две продолженија. Решавачкиот гол го постигна Алек Мартинез.
Другите два гола за „кралевите“ ги дадоа Вилијамс и Габорик, додека стрелци за Њујорк беа: Кридер и Бојл.
Голманот на гостите Лундквист имаше 48 одбрани, но не беа доволни за победа.
Ова за ЛА Кингс е втора титула (првата 2012 година).