Лејкерс го отпушти Волтон

Од:

Раководството на Лос Анџелес Лејкерс го прекина договорот со тренерот Лук Волтон, објави клубот од НБА. 39-годишниот стратег и „езерџиите“ се разделуваат по взаемна согласност.

– Сакам да се заблагодарам за можноста којами беше дадена да ги тренирам Лејкерс. Овој тим и овој град секогаш ќе бидат специјални за мене и моето семејство, изјави Волтон, кој беше на чело на тимот во последните три години.

Според медиумите во САД, главен кандидат за местото тренер на Л.А. Лејкерс е поранешниот тренер на Кливленд – Тајрон Лу.

Иако во тимот ја имаше најголемата ѕвезда на денешницата, Леброн Џејмс, Лејкерс заврши на десеттото место во Западната конференција во регуларната сезона на НБА, што не му овозможи на тимот да се пласира во плеј-офот.

Пред два дена и легендата Меџик Џонсон најави дека се повлекува од функцијата претседател на кошаркарските операции во Лос Анџелес Лејкерс по малку повеќе од две години работа во клубот од НБА.

Би можело да ве интересира

Лук Волтон брзо си најде нова работа

Запрени преговорите помеѓу Ентони и Лејкерс

Леброн го претрпе најголемиот пораз во кариерата

Лејкерси ги сопираат преговорите за Дејвис

Леброн Џејмс: Сега сè во ред меѓу мене и Ирвинг

Џејмс: Одигравме добро, но сепак е само претсезона