Лос Анџелес лејкерс е единствениот клуб од НБА која барал и добил заем во рамките на државната програма за помош на малите бизниси откако сезоната беше прекината.
Според Дарен Ровел, новинар на „ Action Network“ Лејкерси добија заем од 4,6 милиони, но подоцна ги вратија парите откако дознаа дека многу мали бизниси се на работ на затворање поради ситуацијата со пандемијата на коронавирус.
Лејкерс требаше да ги искористат парите за да платат плата на вработените. И покрај одбивањето на заемот, клубот нема намера да ги одбие своите обврски кон вработените.