Натпреварот од 10. коло во кошаркарската Евролига помеѓу екипите на Панатинаикос и Барселона беше прекинат во текот на првото полувреме, откако во една новинска редакција и еден веб портал пристигнала анонимна дојава за поставена бомба во салата.
Безбедносните служби во Атина со брза интервенција ја испразнија салата, а по пребарувањето од страна на полицијата одлучено е средбата да продолжи.
Се шпекулира дека 20-минутниот прекин е предизвика од домашните навивачи кои беа незадоволни од лошото издание на Панатинаикос.
Натпреварот заврши со победа на Барселона од 80:67.