Капитенот на македонската ракометна репрезентација и член на Барселона, Кирил Лазаров и крилото на македонскиот вице-првак Вардар, Тимур Дибиров се најдоа во најдобриот тим на Лигата на шампионите.
Европската ракометна федерација на ден пред почетокот на завршниот Фајнал-фор турнир во Келн, го објави идеалниот состав.
Покрај Лазаров (десен бек) и Дибиров (лево крило) во него се по двајца ракометари од унгарскиот Вестрпем, Момир Илиќ (лево крило) и Ренато Сулиќ (пивот), како и францускиот клуб П.С.Ж, Микел Хансен (среден бек) и Лук Абало (десно крило), односно голманот на Рајн-Некар, Никлас Ландин.
Во конкуренција за најдобриот тим беа и тројцата ракометари на македонскиот првак Металург, Ранато Вугринец, Павел Атман и голманот Дарко Станиќ.