Кошаркарите на Куманово се поразени од екипата на Пеќ во натпревар од регионалната Балканска лига (БИБЛ). Кумановци вечерва пред својата публика загубија од Пеќ со 93:83 во натпревар од 6.коло на А групата.
Иако првото полувреме Куманово го доби со 40:35, сепак во вториот дел косовскиот тим предводен од Јан Моник кој постигна 28 поени направи комплетен резултатски пресврт.
23-те поени на Вукашин Маниќ и 20–те на Урош Куковиќ не му помогнаа на Куманово да го избегне вториот пораз сезонава во БИБ лигата.
Вториот македонски претставник во ова натпреварување, Кожув славеше победа на гостувањето во Бар, Црна Гора, кај Морнар со 75:67.