Кошаркарите на Куманово ја остварија втората победа во Супер лигата. Кумановци вечерва пред својата публика ја совладаа екипата на Струмица со 81:73 во натпревар од 5. коло.
Творци на победата за Куманово беа: Иван Мишковиќ со 20 поени, Урош Луковиќ кој постигна 15, додека Вукашин Мандиќ и Немања Врањеш придодадоа по 13 поени.
Во редовите на Струмица воедно и на натпреварот најефикасен беше Немања Арсиќ кој средбата ја заврши со 27 постигнати поени.
Потсетување, вчера МЗТ Скопје и Кожув ја искористија предноста на домашниот терен и ги поразија Лирија и Работнички. МЗТ Скопје Аеродром убедливо со 90:71 ја порази Лирија, а тимот на Кожув славеше против Работнички со 83:77.
Табела: МЗТ Скопје Аеродром 5-0 (победи-порази), Кожув 4-1, Куманово 2-3, Лирија 2-3, Работнички 2-3 и Струмица 0-4.