Во дербито на 10.коло од Првата македонска кошаркарска лига, Куманово со 93:80 му го нанесе вториот пораз на досегешниот лидер на табелата Карпош Соколи.
Со одлична игра од почетокот до крајот на средбата Куманово пред полни трибини заслужено победи уште еден конкурент за врвот во македонскиот шампионат.
Клучната предност кумановчани ја направија во втората четвртина која ја добија со 28:19.
Кошаркарите на Карпош вечерва немаа одговор во одбраната за ударното трио на домаќините Бојан Трајковски, Александар Костовски Вукашин Мандиќ.
Последното засилување на Куманово, репрезентативецот Трајковски со дабл -дабл ефект, 29 постигнати кошеви и 10 скока беше првото име на дербито,Мандиќ и Костоски постигнаа по 17 односно 16 поени.
Кај поразениот Карпош , најефикасни се центрите Антон Казарновски Душан Кнежевиќ со 18 односно 16 кошеви.
На другите три дуели од оваа рунда:
Работнички – Фени Индустри 59:76,
Струмица – Бест 101:72 и
Кожув – МЗТ Скопје Аеродром 59:68.
Води МЗТ со ефект 8-1 (победи-порази), пред Карпош Соколи со 8-2, Фени Индустри со 6-4,…