Во вториот натпревар од 12. коло на Првата македонска кошаркарска лига, екипата на Куманово ќе биде домаќин на Струмица.
Средбата ќе се игра вечерва со почеток од 19 часот, а Куманово ќе ја има улогата на фаворит. Домашната екипа во досегашниот дел од првенството забележа 6 победи, а 5 пати беше поразена. За разлика од нив гостите од Струмица досега се радуваа само на 3 од 10-те одиграни натпревари.
Инаку, веќе се одигра еден меч од оваа рунда и тоа во средата кога Кожув очекувано го победи гевгелискиот „ривал“ Бест со 82-69.
За утре во Кавадарци со почеток од 19 часот закажан е натпреварот меѓу Фени Индустри и Карпош Соколи.
Последниот натпревар од ова коло, а воопшто и последен во мак-баскетот за 2015 година, ќе биде големото градско дерби меѓу Работнички и МЗТ Скопје Аеродром, а ќе се игра во салата „Градски Парк’’ во среда (30 декември) со почеток од 16 часот.
Табела:
Карпош Соколи 9-2 (победи-порази),
МЗТ Скопје 9-1,
Кожув 6-6,
Куманово 6-5,
Фени Индустри 6-4,
Работнички 5-6,
Струмица 3-7 и
Бест 0-12 .