Кошаркарите на Куманово ја забележаа втората победа во регионалната Балканска лига (БИБЛ).
На средбата одиграна попладнево, а во рамките од 2.коло на А групата, Куманово пред својата публика го совлада црногорскиот тим Сутјеска со 97:87.
Победникот беше решен во последниот период кој започна со израмнет резултат 67:67. Благодарение на одличната игра во нападот, и уфрлените 30 поени во последната четвртина, екипата на Куманово на крајот се радуваше на втората победа во исто толку одиграни средби во БИБЛ.
Покрај Куманово максимални две победи досега има и бугарската екипа Рилски спортист.
Во вториот натпревар од оваа група вечерва играа косовскиот тим Пеќ и Теодо од Црна Гора.
Вториот македонски претставник во Балканската лига, екипата на Кожув е слободен во оваа рунда.