Кошаркарите на Куманово попладнево во Финска против КТП Баскет ќе го одиграат петтиот натпревар во ФИБА Еврокупот.
Императив за кумановци, кои досега претрпеа три порази, е триумф на дуелот со финската екипа која на првата меѓусебна пресметка одиграна во Куманово ја победија со 88:78.
Сепак, покрај победата над КТП Баскет, македонскиот претставник за пласман во ова натпреварување, ќе мора да слави победа и на последниот меч на гости кај полската екипа Роса Радом, која утре не треба да победи на гостуваето кај лидерот Турк Телеком. Само во таква резултатска комбинација од последните две кола, Куманово ќе може да се надева на освојување на второто место во „Ј“ групата, а со тоа и пласман во следната рунда.
Денешниот меч меѓу КТП Баскет и Куманово ќе започне од 17 часот и 30 минути.
Табела: Турк Телеком 4-0 (победи-порази), Роса Радом 3-1, Куманово 1-3 и КТП Баскет 0-4.