Во меч од првата фаза на Балканската кошаркарска лига, Кожув беше поуспешен од Бугарски Берое победувајќи го вечерва со 90:81.
За гевгеличани ова е прв триумф сезонава во БИБЛ лигата, откако загубија во првите два меча од Морнар и Сигал Приштина.
Алексеј Нешовиќ беше најдобриот поединец кај Кожув со 23 поени , четири скока и седум асистенции. Американецот Брендон Пен имаше учинок од 18 поени и девет скока.
Следниот меч за Кожув во ова натпреварување е на 24 ноември, кога ќе гостуваат кај Морнар во Бар.