Единствениот македонски претставник во регионалната кошаркарска Балканска лига, Кожув вечерва пред својата публика во Гевгелија ја пречекува бугарската екипата Левски.
Овој дуел за гевгелискиот тим доаѓа по тешките натпревари во националниот Куп на Македонија чиј успешен организатор беше токму Кожув.
Тренерот на тимот Марјан Илиевски верува дека неговите избраници ќе ги корегираат слабостите кои се провлекоа во куп натпреварите и дека ќе успеа да ја совладаат екипата од Софија.
– Не чека тежок натпревар против Левски на домашен терен. Верувам дека оваа екипа има капацитет да ги подобри работите кои ни се слаби во моментов. Ќе работиме на тоа и мислам дека секоја победа, па и пораз ќе ни биде допоолнителен мотив за да играме покваклитетно во иднина, изјави Илиевски.
Ова е натпревар од 3.коло во четвртфиналната група „Д“ во која утре ќе играат Сигал Приштина и Пеќ.
Во пресрет на ова коло, на табелата води Сигал со 4 бодови, пред Пеќ и Левски кој имаат по 3, а Кожув е последен со 2 бода.
Натпреварот Кожув – Левски ќе започне од 19 часот.