Здружението на кошаркарски прволигаши го разреши од должност Комесар за натпреварување Бобан Јосифовски.
– Заради констатирање на неправилности во работата, Здружението на прволигаши го разреши комесарот Бобан Јосифовски од функцијата.
Предлог на Здружението е, до назначување на нов Комесар, работата да ја извршува Комисија за натпреварување во состав – националниот ФИБА инструктор Ѓорѓи Пиперков и техничкиот секретар Горан Трпушевски, се вели во соопштението објавено на официјалната веб-страница на МКФ.
Најголемото незадоволство на прволигашките екипи се одлуките на Јосифовски околу случајот Работнички.
Најпрво клубот од „Градски парк“ поради одбивање да го продолжи натпреварот со МЗТ Скопје беше преселен во Третата лига, а потоа беше вратен во Првата лига.
Јосифовски за виновни во случајот ги прогласи претседателот на Работнички Горан Геровски и членовите на стручниот штаб Марин Докузовски и Марјан Србиновски и ги казни со времени суспензии.