Кошаркарските прволигаши денеска ќе одиграат три натпревари од второто коло. Во 17 часот во салата во „Градски парк“ Работнички го пречекува новиот прволигаш Бест од Гевгелија.
Еден час подоцна почнува дуелот во Струмица меѓу истоимената домашна екипа и Карпош Соколи, додека од 19 часот е почетокот на дуелот Кожув – Фени Индустри што се игра во Гевгелија.
Дербито на колото дуелот на ланските финалисти од плеј офот Куманово – МЗТ Скопје Аеродром се игра во среда (21 октомври) поради настапот на првакот МЗТ Скопје А. во АБА лигата.