Кошаркарите на прволигашот Кожув од Гевгелија триумфираа на меѓународниот турнир во Солун кој изминативе два дена се одржа во организација на Асоцијацијата на кошаркарски судии во Грција.
Во претфиналниот дуел Кожув ја совлада екипата на Кавала со 71:64, а синоќа во финалето го победи солунски Ираклис со 82:77 во натпревар со рамноправна игра и резултатска неизвесност.
Во финалниот меч против Ираклис, најефикасни кај Кожув беа Јанушевиќ со 19 и Шепа со 18 постигнати поени, а голем придонес во победата имаа уште Албијаниќ со учинок од 10 поени и пет скока како и Богоев кој постигна девет поени.
Серијата пријателски средби Кожуф ќе ја продолжи во вторник на 16 септември, кога прв пат ќе се претстави пред своите симпатизери во дуелот со актуелниот македонски шампион МЗТ Скопје.