Македонските кошаркари ја совладаа Црна Гора на третиот натпревар од „Трофеј Македонија 2014“ и го освои второто место, зад селекцијата на Италија.
Конечниот резултат беше 65:58.
Хендрикс беше најзаслужен за победата со 13 поени и десет скока, 10 поени даде Бојан Трајковски, додека во противничкиот состав по 10 коша постигнаа Суад Шеховиќ и Рочести.
Првото место на „Трофеј Македонија“ го освои италијанската селекција која и во третиот натпревар оствари победа овој пат над Полска со 73:65.