Кошаркарите во НБА лигата ќе чекаат во ред за вакцинирање против Ковид-19 и не доаѓа в предвид да се туркаме пред другите, порача денеска комесарот на Лигата, Адам Силвер, во пресрет на почетокот на новата сезона 2020/21.
– Ќе чекаме да ни дојде редот за пристап до вакцината. Свесни сме дека федералните власти и сојузните држави се исправени пред логистички подвиг да вакцинираат 300 милиони луѓе, и тоа два пати. Свесни сме за одговорноста и сакаме да се вклучиме во кампањата со цел да ги поттикнеме луѓето да се вакцинираат, изјави Силвер.
Новата сезона во НБА започнува в среда наутро по средноевропско време, со мечот меѓу Бруклин и Голден Стејт, како и градското дерби меѓу актуелниот шампион ЛА лејкерс и ЛА клиперс.