Боксерскиот светски шампион во тешка категорија, Украинецот Владимир Кличко денеска најави учество на Олимписките игри во Рио во 2016 година.
– Се надевам дека Меѓународното аматерско раководно тело ќе има разбирање и дека за две години ќе бидам здрав и мотивиран да се натпреварувам на ЛОИ. Би било феноменално да после 20 години повторно освојам олимписки трофеј, изјави 38-годишниот боксер, пренесе агенцијата Интерфакс.
Помладиот од браќата Кличко освои златен медал на Олимпијадата во Атланта 1996 година. Тој во досегашната кариера има биланс од 62 победи (52 со нокаут) и само три порази.
Кличко во неделата ја одбрани титулата во четирите верзии – ВБА, ВБА, ИБО и ИБФ, откако во Оберхаузен со нокаут во петтата рунда го победи Алекс Липаи од Австралија.