Британскиот боксер Тајсон Фјури ја прекина доминацијата на Владимир Кличко во тешка категорија, откако го победи на мечот во Диселдорф.
Тројцата судии едногласно му ја доделија победата на Фјури: 115:112, 115:112 и 116:111.
Британецот ги освои титулите во верзиите на WBA, WBO, IBF, IBO и магазинот The Ring, а против Кличко ја забележа својата 25-та победа во исто толку мечеви во професионланата кариера.
Кличко со светскиот бокс владееше од 2004 година. Украинецот против Фјури по 19-ти пат ја бранеше титулата и го забележа четвртиот пораз во 68-от меч.