Марк Клатенбург (41) од Англија е одреден да го суди финалето на Европското првенство што в недела ќе го играат Франција и Португалија.
Клатенбург оваа година го судеше и финалето од Лигата на шампионите во Милано меѓу Реал Мадрид и Атлетико Мадрид, како и финалето на ФА купот на Англија меѓу Манчестер Јунајтед и Кристал Палас.
На ЕУРО 2016 година Клатенбург судеше досега на три натпревари: Белгија – Италија, Чешка – Хрватска и Швајцарија – Полска.
Тој е меѓународен судија од 2007 година, а го има судено и финалето на Олимписките игри во Лондон (машки турнир) како и Супер Купот на УЕФА во 2014 година.