Кошаркарскиот клуб Кожув се вклучува во хуманитарната акција, со која треба да се обезбеди помош за поплавените подрачја низ нашата земја.
Вечерва екипата на Кожув пред својата публика во Гевгелија, ќе го игра натпреварот од 2.коло во регионалната Балканска лига (БИБЛ) против бугарскиот тим Рилски спортист.
На својата веб страна, гевгеличани соопштија дека сите средства собрани од влезниците ќе бидат донирани за поплавените региони во Република Македонија и повика на масовна посетеност.
Дуелот Кожув – Рилски спортист започнува од 19 часот.