Состојбата на Пеле е стабилна, соопштија од болницата во која вчера уште еднаш беше примена бразилската легенда. Пеле (82) беше опериран од тумор на дебелото црево во септември минатата година и оттогаш често бара медицински надзор. Вчера се појави информација дека тој е хоспитализиран.
Од болницата „Алберт Ајнштајн“ прецизираат дека по неговиот преглед, кралот на фудбалот бил хоспитализиран, но не е на одделението за полуинтензивна нега.
Ќерката на Пеле, Кели Насименто, исто така ги смири сите со објава на „Инстаграм“.
„Во медиумите имаше многу загриженост за здравјето на татко ми. Нема ништо итно за неговото примање или некоја страшна лоша прогноза. Ќе бидам таму за Нова година и ветувам дека ќе објавам неколку фотографии“, објави Кели Насименто.
Извор: Топспорт