Двајцата ракометари на Вардар, Тимур Дибиров и Игор Карачиќ, како и македонскиот репрезентативец и член на Барселона Кирил Лазаров се најдоа во идеалниот состав на групната фаза во Лигата на шампионите, во изборот на специјализираниот француски ракометен портал „hand-station”.
Дибиров е избран за најдобро лево крило, Карачиќ за најдобар среден бек, а Лазаров за најдобар десен бек.
Дибиров и Карачиќ се најефикасните ракометари на „црвено-црните“ оваа сезона во елитното натпреварување. Рускиот репрезентативец е втор на листата со 69 гола, додека Карачиќ е на 15-то место, со 52 погодоци. Лидер е Лазаров со 76 погодоци.
Најдобрите седум според „hand-station”:
Голман: Роланд Миклер (Веспрем),
Лево крило: Тимур Дибиров (Вардар),
Лев Бек: Момир Илиќ (Веспрем),
Среден бек: Игор Карачиќ (Вардар),
Пивот: Камил Сипжак (Висла Плок),
Десен бек: Кире Лазаров (Барселона),
Десно крило: Драган Гајиќ (Монпелје).