Корејската компанија „Киа Моторс“ ја доби наградата „Good Design“ за три свои нови автомобили: луксузната лимузина „К900“ (што на некои пазари е позната под ознаката „К9“ или „Quoris“), потоа за електричниот модел „Соул ЕВ“ и концептот „ГТ4 Стингер“.
Дизајнерскиот тим на корејскиот производител од 2006 година, откако беше преземен од Петер Шреер, доби бројни дизајнерски награди за својата работа и значајно придонесе кон глобалниот раст на моделите на „Киа“.
Жирито кое ги доделува признанијата „Good Desig“ го сочинуваат независни стручњаци од областа на дизајнот, а моделите на „Киа“ се наградени врз основа на различни критериуми – иновативен дизајн, нови технологии, форма, материјали, градба, концепт, делување, употребливост, енергетска ефикасност и грижа за околината.
Наградите „Good Design“ се доделуваат секоја година од 1950 година, а се поделени во 25 категории.