Центарот на кошаркарскиот клуб ЦСКА Москва, Саша Каун, неочекувано стави крај на професионалната кариера.
Иако има 30 години и само седум професионални сезони, центарто реши да ја заврши кариерата.
„Ја завршувам кариерата, ова беше мојата последна сезона“, рекол Каун по освојувањето на титулата во руското првенство.
Каун е роден во Томск, студирал на универзитетот Канзас, а од 2008 година играше за ЦСКА. Во 2008 година тој е бил избран како 56-ти пик на драфтот во НБА лигата од страна на Сиетл Суперсоникс.
Каун во кариерата има титула во НЦАА лигата и бронзен медал од Олимписките игри во Лондон.