Кошаркарите на Карпош Соколи вечерва остварија победа на последниот натпревар од 10.коло од Првата лига и го совладаа Кожув од Гевгелија со 82:69 (18:20; 25:13; 18:14; 21:22). Ова воедно беше и последниот натпревар од првиот дел од сезоната, а шампионатот ќе продолжи на 31 јануари 2015 година.
За тимот на Карпош Соколи ова беше 6.та победа, а вторпат успеваат да ги совладаат гевгеличани. Најефикасни кај домашните беа: Душан Кнежевиќ со 20 поени, а Игор Пенов постигна 15, додека кај Кожув Миљан Јанушевиќ постигна 15.
На другите дуели од ова коло: Гоце Делчев – Водњански Лисици 75:62, Фени Индустри – МЗТ Скопје 90:79 и Куманово – Струмица 88:55. Слободен беше Работнички.
Табела: МЗТ Скопје Аеродром 15 бодови, Куманово 15, Фени Индустри 15, Карпош Соколи 15, Работнички 14 (натпревар помалку), Кожув 13, Струмица 12, Гоце Делчев 11, Водњански Лисици 9.