Екипата на Карпош Соколи успеа да оствари победа на гостувањето во Гевгелија против екипата на Кожув со 71:60. Со овој триумф остварен вечерва Карпош Соколи се зацврсти на второто место на табелата во Првата кошаркарска лига. Гостите ги добија првите три четвртини со: 23:14; 21:17; и 17:15, додека последниот период им припадна на домашните кошаркари со 14:10.
Најефикасен на натпреварот беше Филип Шепа од Карпош Соколи со 17 поени, додека кај Кожув најпрецизен беше Рајан Вајт со 16 поени.
На вчера одиграниот дуел Куманово го победи Фени Индустри со 82:74.
Утре во Гевгелија ќе се игра уште еден натпревар меѓу Бест и Работнички, а колото ќе биде комплетирано во среда со натпреварот МЗТ Скопје Аеродром – Струмица.
Табела: МЗТ Скопје Аеродром 29 бодови, Карпош Соколи 29, Куманово 27, Фени Индустри 25, Кожув 23, Работнички 20, Струмица 18, Бест 15.