Каратистката Пулексенија Јованоска е најдобар спортист на Прилеп за 2019

Од:

Каратистката Пулексенија Јованоска е избрана за најдобар спортист на Прилеп за 2019 година на манифестација за избор на најдобри спортисти, клубови и на спортски работници во Прилеп за минатата година.

Манифестацијата се одржа синоќа во прилепскиот хотел „Кристал Палас“ по единаесетгодишна пауза со најава да продолжи наредните години.

Каратиската Јованоска, која е петтопласирана од последниот европски шампионат, најдобра во земјава за изминатата година, се заблагодари на довербата нагласувајќи дека доминираат младите спортски сили на градот кои најавуваат големи успеси.

– Чест ми е за големата доверба што ја добив, особено на манифестација која продолжува да ги слави спортот и спортските резултати по 11-годишна пауза. Спортот и спортистите се најголемиот амбасадор на една држава, рече Јованоска по доделувањето на наградите на најуспешните спортисти.

Во десетте најдобри спортисти на Прилеп за 2019 се: Борјан Јованоски од параглајдинг-клубот „Делта“, пинпонгарот Ѓоко Јочкоски гимнастичарката Теа Велкоска, Стефанија Перканоска од спортско-качувачкиот клуб „Златоврв“, параглајдеристката Александра Уфцеска, Мери Чкрипеска од ориентациониот клуб „Златоврв“, џудистката Теодора Димескаод клубот „Сеишин“ ,фудбалерката Катерина Милеска и џудистот Давор Велкоски. Најдобар за 2019 година е параглајдинг-клубот „Делта“.

Валентина Пурдеска е прогласена за најдобар судија, фудбалерот на „Удинезе“ Илија Нестороски е најдобар играч кој настапува во странски клуб, а за најдобар спортист со инвалидност е пинпонгарот Рубинчо Ристески.

Плакета за особен придонес во развојот на спортот му беше доделена на доајенот на македонското и прилепско спортско новинарство Миле Талески.

Прилепскиот градоначалник Илија Јованоски, а и спортскиот новинар Миле Талески кои ги паметат „златните спортски години на Прилеп“, порачаа и посакаа на Прилеп да му се врати епитетот за најспортски град, особено во фудбалот.

Би можело да ве интересира

Недеви почнаа со одржување карате тренинзи онлајн

Ана Ололовска

Одложен квалификацискиот олимписки турнир во карате

А1он

Дебарските каратисти продолжуваат да редат успеси

Ана Ололовска

Каратистот Емил Павлов освои златен медал во Салцбург

А1он

Каратистите на прием во Агенцијата за млади и спорт

Ана Ололовска

Роберто Ацковски освои бронзен медал на младинското Европското првенство во Будимпешта

Ана Ололовска