Македонската кадетска кошаркарска репрезентација од четврток ќе настапува на Европското првенство Б дивизија што се игра во Софија, Бугарија. Противници на нашата селекција во рамките на Д групата се: Украина, Португалија, Исланд, Шведска и Естонија.
Во пресрет на шампионатот селекторот Владимир Мирковски на денешната прес-конференција рече дека имавле добри подготовки и одиграле шест натпревари во кои ривали им беа Бугарија, Романија и Израел.
– Составена е хомогена репрезентација и сметам дека тоа е квалитет на овој состав. Имавме и некои недостатоци во играта, но сметам дека низ натпреварите ги надминавме.Наша предност е тоа ќе играме агресивно во одбраната пред се, додека мал проблем ни претставува височината на играчите, рече Мирковски.
Нашата репрезентација утре заминува за Софија, а прв ривал на шампионатот во четврток ќе ни биде селекцијата на Украина.