Македонскиот тенисер Томислав Јотовски по голема борба и повеќе од три часа игра го загуби четвртфиналето на фјучрсот во Ниш од српскиот тенисер Ласло Ѓере со 2:1 во сетови. Ѓере е втор носител на турнирот и во моментов е рангиран на 405-то место, а во јули годинава беше рангиран на 340-то место.
Првиот сет во тај брекот му припадна на Јотовски со 7:6 – 7:2 на поени. Во вториот сет Ѓере изедначи добивајќи го тај брекот со 7:4 на поени. Во решавачкиот сет српскиот тенисер имаше брејк повеќе и го доби сетот со 6:4. За пласманот во четвртфиналето Јотовски ќе освои два нови поени.
Јотовски по одморот попладнево ќе игра уште еден меч. Во финалето во игра на двојки заедно со колегата од Дејвис куп репрезентацијата на Македонија, Димитар Грабул ќе играат против вторите носители Иван и Матеј Шабанов од Хрватска.