Македонскиот тенисер Томислав Јотовски не успеа да се пласира во полуфиналето на фјучрс турнирот во Сокобања. Во неизвесен меч, кој траеше 2 часа и 53 минути беше совладан од Нико Матиќ од Германија со 2:1 во сетови.
Јотовски подобро го почна мечот и го доби првиот сет со 6:3 во гемови, но Матиќ успеа да изедначи откако го доби вториот сет со 6:1 во гемови. Во решавачкиот сет двајцата тенисери имаа по три брејка, па решаваше тај брекот во кој на поени Матиќ беше подобар со 7:5 на поени.
Јотовски турнирот во Сокобања ќе го заврши со финалниот меч во двојки каде со Александар Лазов играат против Богдан Ѓурѓевиќ (Германија) и Енрик Гуаита-Паис (Шпанија).