Најдобриот македонски тенисер Томислав Јотовски и покрај тоа што е во фаза на тренинзи по повредата и одморот напредуваше три места на АТП листата и со 57 поени го има најдобриот ранг – 562. место.
И другите македонски тенисери немаа настапи претходната недела на фјучрс турнирите, но воглавно сите имаат мал скок.
Димитар Грабул кој по титулата државен првак победи и на турнирот во организација на МТП сега се наоѓа на 630.место со 42 поена и скок од 7 места. Шендрит Деари е 1.223 со пет поени, Стефан Мицов го задржа 1.295 места, а пад од три места има Бесир Дургути – 1.311 место.